U Krymie na ŭsio leta zabaranili prymać hrupy dziaciej
Ułady akupavanaha Kryma pryniali ekstrannyja miery biaśpieki na letni siezon. Z 22 červienia i da 1 vieraśnia na paŭvostravie całkam zabaroniena braniavać miescy i prymać arhanizavanyja hrupy dziaciej u letnikach, sanatoryjach, hatelach i inšych abjektach raźmiaščeńnia. Adpaviedny ŭkaz padpisaŭ pryznačany RF kiraŭnik rehijona Siarhiej Aksionaŭ.
Zabarona raspaŭsiudžvajecca na ŭsie vidy dziciačych azdaraŭlenčych letnikaŭ, a taksama na pansijanaty i hateli, kali razmova idzie pra pryjezd dziaciej u składzie arhanizavanych hrup.
U Krym da kanca leta zabaroniena pryvozić dziciačyja kalektyvy dla ŭdziełu ŭ ekskursijach, turystyčnych źlotach, fiestyvalach, spartyŭnych spabornictvach i trenirovačnych zborach.
Rašeńnie pryniata na fonie rezkaha paharšeńnia situacyi ź biaśpiekaj u rehijonie i pastajannych pavietranych pahroz. Krym zastaŭsia biez paliva, vady, elektryčnaści i pierapravy. Na vyjezd z Kryma stajać vializnyja čerhi.