U telehram-kanale mera Maskvy źjavilisia zbory dla USU i paviedamleńni «MASKVA BUDZIE HAREĆ»
U dzień narodzinaŭ Siarhieja Sabianina niechta ŭzłamaŭ jaho kanał.
U niadzielu ŭviečary kanał «Sierhiej Sobianin. Ličnyj błoh», vierahodna, uzłamali piša »Miedyjazona».
Nieviadomyja apublikavali tam paviedamleńni «MASKVA BUDZIE HAREĆ», «SŁAVA UKRAINIE», emadzi z ukrainskimi ściahami, spasyłki na zbor na dron dla ŭkrainskich vajskoŭcaŭ i inšyja dopisy.
Paviedamleńni vydalili na praciahu niekalkich chvilin. Na niejki čas kanał staŭ niedastupny, ale paźniej znoŭ źjaviŭsia — užo biez hetych publikacyj.