Karol Niderłandaŭ zapaliŭ na mundyjali: zaŭzieŭ suprać Šviecyi, a potym patančyŭ u raździavalni Kiurasaa
Karaleŭskaja siamja naviedała za siem hadzin dva matčy: Niderłandy — Šviecyja i Kiurasaa — Ekvador.
Fota: Stefan Koops/EYE4IMAGES/NurPhoto via Getty Images
Karaleŭskaja siamja Niderłandaŭ prybyła na čempijanat śvietu, dzie ŭ subotu praviała pryjemny dzień: ich paradavali zbornyja abiedźviuch krain, što ŭvachodziać u skład karaleŭstva.
Fota: Koen Van Weel / ANP (Photo by ANP via Getty Images
Niderłandcy ŭ Chjustanie razhramili Šviecyju — 5:1. Karol Vilem Alaksandr, karaleva Maksima i 19‑hadovaja pryncesa Aryjana horača zaŭzieli na trybunach.
Potym karol schadziŭ u raspranalniu, dzie abaronca Virdžył van Dejk nie ŭpuściŭ mahčymaści zrabić sełfi.
Hałkipier Bart Vierbruhien taksama zrabiŭ fota ź Vilemam-Alaksandram: «Heta było pryjemna. Karol skazaŭ, što ja dobra zhulaŭ i što jamu spadabaŭsia matč».
A potym karaleŭskaja siamja palacieła ŭ Kanzas-sici, dzie Kiurasaa damahłosia histaryčnaj ničyjoj z Ekvadoram (0:0). Jana prysutničała na abiedźviuch hulniach — i heta było viesieła.
Jany navat adkłali ŭbok aranžavyja kolery i pieraapranulisia ŭ siniaje bo mianuška astraŭnoj kamandy — «Siniaja chvala». I ściah u Kiurasaa sini — adsyłka da nieba i Karybskaha mora, piša sports.ru.
Fota: Alex Pantling — FIFA/FIFA via Getty Images
Paśla matču manarch zajšoŭ u raździavalniu, kab pavinšavać Dzika Advakata i ŭsiu zbornuju ź pieršym nabranym bałam na čempijanatach śvietu.
Fota: Alex Pantling — FIFA/FIFA via Getty Images
Atmaśfiera była vielmi rassłablenaja — nijakaha aficyjozu, vysokija hości prosta patancavali razam z hulcami.
Na matčy Vilem-Alaksandr siadzieŭ pobač z Džani Infancina, a paśla hulni vydaŭ nievialiki stendap: «Ja tut hość FIFA, tamu kali na matčy prysutničaje Infancina, ja siadžu pobač ź im. Ale, mahčyma, ja paśpieŭ prapanavać jamu niekalki kandydatur na Premiju miru na najbližejšyja hady.
Kali kazać pra hulniu, to niekalki razoŭ ja navat hladzieŭ, dzie znachodzicca defibrylatar, bo jon moh mnie spatrebicca. Časam heta było nie vielmi karysna dla majho serca. Ja ŭdziačny, što zmoh trapić u hetuju raździavalniu ad imia astatnich 18 miljonaŭ trenieraŭ zbornaj».
U trecim tury Kiurasaa ŭ Fiładelfii zhulaje z Kot dJIvuaram, a Niderłandy ŭ Kanzas-sici z Tunisam.
Kiurasaa — nievialičkaja vyspa ŭ Karybskim mory z nasielnictvam 155 tysiač čałaviek. Samakiravanaje terytaryjalnaje ŭtvareńnie ŭ składzie Niderłandaŭ. Vostraŭ maje šyrokuju aŭtanomiju: ułasny ŭrad, parłamient, kanstytucyju i zakanadaŭstva, ale za źniešniuju palityku i abaronu adkazvajuć Niderłandy. Ale źjaŭlajecca členam FIFA, jak Hibrałtar ci Farerskija vyspy.