Biełarusaŭ u Hielendžyk ciapier buduć vazić inšym maršrutam
Biełaruskija pieravozčyki źmianili maršruty aŭtobusaŭ na Kaŭkaz i Čornaje mora paśla niadaŭniaha incydentu ŭ Branskaj vobłaści. Ciapier rejsy ŭ bok Hielendžyka, Hruzii i inšych kaŭkazskich rehijonaŭ buduć prachodzić u abychod Branščyny, paviedamili ŭ efiry telekanała ANT.
Fota ilustracyjnaje
Naprykład, aŭtobusy z Homiela ciapier buduć jechać praz Mahiloŭ, Smalenskuju i Tulskuju vobłaści Rasii, a zatym praciahvać šlach da miesca pryznačeńnia.
Z-za źmieny maršrutu daroha pavialičycca prykładna na 100—150 kiłamietraŭ u adzin bok, abo da 300 kiłamietraŭ u abodva baki. Pieravozčyki adznačajuć, što takoje rašeńnie pryniata dziela pavyšeńnia biaśpieki pasažyraŭ.