Na nastupnym tydni anamalnaj śpioki ŭ Biełarusi nie čakajecca

Sinoptyk Dźmitryj Rabaŭ u efiry telekanała ANT paviedamiŭ, što na tydni z 22 pa 28 červienia anamalnaj śpioki ŭ Biełarusi nie čakajecca. Nadvorje buduć vyznačać atłantyčnyja cykłony, jakija pryniasuć daždžy, navalnicy, zalevy, miescami hrad i paryvisty viecier.

Fota: Lookby.media

U paniadziełak, 22 červienia, u bolšaści rajonaŭ projduć karotkačasovyja daždžy, miescami mahčymyja mocnyja zalevy i navalnicy. Nočču budzie ad +14 da +20 hradusaŭ, dniom — ad +22 na poŭnačy da +28 na poŭdni.

U aŭtorak, 23 červienia, čakajecca pieramiennaja vobłačnaść bieź istotnych apadkaŭ. Nočču tempieratura składzie ad +12 da +17 hradusaŭ, dniom — ad +21 da +27.

U sieradu, 24 červienia, čarhovy atmaśfierny front pryniasie daždžy, zalevy i navalnicy. Nočču budzie ad +12 da +17 hradusaŭ, dniom — ad +19 da +25.

U čaćvier, 25 červienia, u bolšaści rajonaŭ taksama prahnazujucca daždžy i navalnicy. Nočču čakajecca ad +13 da +17 hradusaŭ, dniom — ad +15 na poŭnačy da +21 na paŭdniovym uschodzie.

U piatnicu, 26 červienia, zachavajecca niaŭstojlivaje nadvorje z łakalnymi karotkačasovymi daždžami. Nočču budzie ad +9 da +15 hradusaŭ, dniom — ad +17 da +22.

U subotu, 27 červienia, miescami projduć daždžy, u asobnych rajonach jany mohuć być mocnymi. Nočču tempieratura składzie da +12 hradusaŭ, dniom — ad +18 da +23.

U niadzielu, 28 červienia, mahčymyja karotkačasovyja daždžy i navalnicy. Nočču budzie ad +12 da +17 hradusaŭ, dniom — ad +17 na paŭnočnym zachadzie da +25 na poŭdni krainy.

Pavodle prahnozu, tempieratura na praciahu tydnia budzie blizkaj da klimatyčnaj normy dla kanca červienia.

Kamientary da artykuła