Śpikieram Kaardynacyjnaj rady pieraabrany Arciom Bruchan
Za paplečnika Paŭła Łatuški prahałasavała 92% delehataŭ, a za jaho adzinaha apanienta Andreja Kołasa tolki sam Kołas i troje jaho siabroŭ pa frakcyi.
Arciom Bruchan. Fota: «Naša Niva»
Za kandydaturu Bruchana, jaki pradstaŭlaje kaalicyju «Łatuška i Ruch «Za Svabodu» i ŭžo ŭznačalvaŭ KS 3‑ha sklikańnia, prahałasavali 62 z 66 delehataŭ, jakija ŭdzielničali ŭ hałasavańni. Usiaho ŭ skład Kaardynacyjnaj rady ŭvachodziać 80 delehataŭ.
Supiernik Bruchana Andrej Kołas, kiraŭnik frakcyi «Vaš hołas», atrymaŭ čatyry hałasy.
Pry hetym u hałasavańni nie ŭdzielničała frakcyja «Abjadnanaja hramadzianskaja płatforma». Raniej jaje pradstaŭniki zajavili, što šerah frakcyj nie byŭ naležnym čynam prainfarmavany pra techničnyja rehłamienty, terminy i paradak vyłučeńnia kandydataŭ. Na ich dumku, heta pazbaviła niekatoryja frakcyi mahčymaści vyłučyć svaich pradstaŭnikoŭ.
Frakcyja paličyła praviadzieńnie vybaraŭ zaŭčasnym i admoviłasia ŭdzielničać u hałasavańni. Taksama jana zaklikała nie pryznavać vyniki vybaraŭ lehitymnymi i viarnuć praceduru na etap vyłučeńnia kandydatur z vyrazna vyznačanymi praviłami i terminami.
Čytajcie taksama:
«Abvinavačvańni zastajucca hałasłoŭnyja». Mamajeva adkazała Zazulinskaj
Taćcianu Martynavu źniali ź ciahnika na polskaj miažy i zabaranili ŭjezd u ES na 10 hadoŭ