U Viciebsku na piešachodnym pierachodzie pastavili niezvyčajnyja słupki. Jak jany pracujuć?
Sistema pavinna dapamahčy źnizić kolkaść DTZ.
Novyja papieradžalnyja słupki. Skrynšot videa Viciebskaj DAI
U Viciebsku na piešachodnym pierachodzie pastavili intelektualnyja papieradžalnyja słupki.
Źjavilisia jany na skryžavańni vulic Kalinina i Zamkavaj.
Na hetych słupkach vykarystoŭvajucca hałasavyja i ekrannyja indykatary, jakija nahadvajuć piešachodam pra toje, što nielha pierachodzić darohu na čyrvonaje śviatło, tym samym źnižajučy vierahodnaść DTZ.
Pryncyp pracy hetych słupkoŭ taki: kali piešachod pačynaje pierachodzić darohu na čyrvonaje śviatło i pierasiakaje niabačny pramień pamiž słupkami, sistema heta fiksuje. U adkaz uklučajecca hukavy sihnał, a na elektronnych tabło źjaŭlajucca nadpisy «STOJ» abo «IDZI», jakija padkazvajuć piešachodam, možna pierachodzić darohu ci treba spynicca.