Tramp papraknuŭ Miełoni drennymi vynikami ŭ Italii, taja znajšła, što adkazać

Prezident ZŠA Donald Tramp praciahnuŭ zavočnuju pikiroŭku z premjerkaj Italii Džordžaj Miełoni.

Prezident ZŠA Donald Tramp razmaŭlaje z premjer-ministram Italii Džordžaj Miełoni paśla hrupavoj fatahrafii lidaraŭ G7 i zaprošanych krain padčas samitu G7 u Evijan-le-Ben, Francyja. 16 červienia 2026 hoda. Fota: AP Photo/Thibault Camus

Raniej jon kazaŭ, što jana maliła jaho ab sumiesnym fota, a ciapier napisaŭ u svajoj sacsietcy Truth Social:

«Jana demanstruje drennyja vyniki ŭ Italii ź jaje ŭzroŭniem papularnaści, mahčyma, tamu, što jana admoviła Złučanym Štatam Amieryki — krainie, jakaja ščyra lubić i abaraniaje Italiju — kali sprava dajšła da taho, kab nie dać Iranu atrymać abo raspracavać jadziernuju zbroju (ale NATA, u pryncypie, zrabiła toje ž samaje!).

Jana navat nie dazvoliła nam vykarystoŭvać italjanskija ŭźlotna-pasadačnyja pałosy, što stvaryła vialikija łahistyčnyja niazručnaści, i heta niahledziačy na toje, što ZŠA vydzialajuć sotni miljardaŭ dalaraŭ u hod na abaronu Italii i inšych «tak zvanych» sajuźnikaŭ pa NATA».

Miełoni ŭ adkaz na heta zajaviła:

«Prezident Tramp, hetyja pastajannyja, ničym nie spravakavanyja napady biessensoŭnyja. Što tyčycca majoj papularnaści, to toje, što ja źjaŭlajusia vašym siabram, joj dakładna nie dapamahło, i jana nie zaležyć ad maich adnosin z vami».

Jana dadała, što jaje papularnaść zaležyć ad jaje zdolnaści abaraniać nacyjanalnyja intaresy Italii.

«I heta mienavita toje, što ja zaŭsiody rabiła. Heta taksama toje, što ja zrabiła ŭ dačynieńni da amierykanskich vajennych baz u Italii. Ich vykarystańnie rehulujecca pahadnieńniami, jakija my zaŭsiody pavažali i jakija nie mohuć być parušany, pakul ja źjaŭlajusia premjer-ministram».

«U lubym vypadku, maja papularnaść — nie vaša sprava. Raju vam zasiarodzicca na svajoj», — adkazała Miełoni.

Kamientary da artykuła