KDB zaprašaje na hutarki ludziej, źviazanych ź EHU
Pieraśled pa spravie Jeŭrapiejskaha humanitarnaha ŭniviersiteta nie spyniajecca.
Z pačatku červienia pa ŭsioj Biełarusi razhortvajecca maštabny pieraśled, źviazany ź Jeŭrapiejskim humanitarnym univiersitetam — była raspačataja kryminalnaja sprava za apłatu navučańnia, pačynajučy z 2016 hoda
Kali spačatku da ludziej prychodzili ź pieratrusami i dopytami, to ŭ apošnija dni ludziam, niejak datyčnym da EHU, telefanujuć supracoŭniki KDB i zaprašajuć da ich «na razmovu», paviedamlaje «Viasna».
U siaredzinie krasavika Jeŭrapiejski humanitarny ŭniviersitet, jaki dziejničaje ŭžo dva dziesiacihodździ ŭ Vilni i ŭ jakim navučajecca bolš za tysiaču studentaŭ ź Biełarusi, ułady Biełarusi pryznali ekstremisckaj arhanizacyjaj. Z pačatku červienia pa ŭsioj krainie razhortvajecca maštabny pieraśled, źviazany ź EHU. Viadoma pra jak minimum 60 pieratrusaŭ.
Da ludziej prychodziać navat na pracu, a niekatorym telefanujuć i prosiać pryjści «na razmovu».