Stała viadoma, kali abituryjenty zmohuć atrymać siertyfikaty CT
U Respublikanskim instytucie kantrolu viedaŭ paviedamili, što abituryjenty ŭ Biełarusi zmohuć atrymlivać siertyfikaty centralizavanaha testavańnia z 1 lipienia.
Zdymak ilustracyjny
Vydača dakumientaŭ budzie arhanizavanaja ŭ tych punktach praviadzieńnia CT, dzie ŭdzielniki zdavali ekzamieny. Kab atrymać siertyfikat, nieabchodna pakazać pašpart, dakumient ab adukacyi (atestat abo dypłom), a taksama propusk z adznakaj ab prachodžańni testavańnia.
U RIKV adznačyli, što siertyfikaty vydaduć usim udzielnikam, jakija nabrali bolš za nul bałaŭ pa vynikach vyprabavańniaŭ.
Abituryjentam taksama rekamiendujuć zahadzia aznajomicca z hrafikam pracy punkta vydačy dakumientaŭ. Dla hetaha varta naviedać aficyjny sajt ustanovy adukacyi, dzie pravodziłasia testavańnie. Tam raźmiaščajecca aktualnaja infarmacyja pra čas i paradak vydačy siertyfikataŭ.
Siertyfikat CT źjaŭlajecca adnym z asnoŭnych dakumientaŭ, nieabchodnych dla ŭdziełu va ŭstupnaj kampanii i padačy dakumientaŭ u vyšejšyja navučalnyja ŭstanovy krainy.
Čytajcie taksama:
Prachadnyja bały dla pastupleńnia ŭ VNU sioleta pavialičacca
Dziaržaŭnyja movy na 100 bałaŭ zdali bolš za 1400 čałaviek. Bolš čym na 90% heta ruskaja
Anulavali vyniki na CT školnaha vydatnika, jaki apublikavaŭ fotazdymki testavych zadańniaŭ