Стала вядома, калі абітурыенты змогуць атрымаць сертыфікаты ЦТ
У Рэспубліканскім інстытуце кантролю ведаў паведамілі, што абітурыенты ў Беларусі змогуць атрымліваць сертыфікаты цэнтралізаванага тэставання з 1 ліпеня.
Здымак ілюстрацыйны
Выдача дакументаў будзе арганізаваная ў тых пунктах правядзення ЦТ, дзе ўдзельнікі здавалі экзамены. Каб атрымаць сертыфікат, неабходна паказаць пашпарт, дакумент аб адукацыі (атэстат або дыплом), а таксама пропуск з адзнакай аб праходжанні тэставання.
У РІКВ адзначылі, што сертыфікаты выдадуць усім удзельнікам, якія набралі больш за нуль балаў па выніках выпрабаванняў.
Абітурыентам таксама рэкамендуюць загадзя азнаёміцца з графікам працы пункта выдачы дакументаў. Для гэтага варта наведаць афіцыйны сайт установы адукацыі, дзе праводзілася тэставанне. Там размяшчаецца актуальная інфармацыя пра час і парадак выдачы сертыфікатаў.
Сертыфікат ЦТ з'яўляецца адным з асноўных дакументаў, неабходных для ўдзелу ва ўступнай кампаніі і падачы дакументаў у вышэйшыя навучальныя ўстановы краіны.
Чытайце таксама:
Прахадныя балы для паступлення ў ВНУ сёлета павялічацца
Дзяржаўныя мовы на 100 балаў здалі больш за 1400 чалавек. Больш чым на 90% гэта руская
Анулявалі вынікі на ЦТ школьнага выдатніка, які апублікаваў фотаздымкі тэставых заданняў