U biełaruskija kramy zavieźli mini-kukuruzu z Kitaja

U minskija kramy prybyła čarhovaja ekzatyčnaja navinka, hetym razam z Kitaja — kukuruza «mini». Pry hetym jość jak zvyčajnaja žoŭtaja, tak i čornaja, paviedamlaje Tochka.by.

Fota: Tochka.by

Pradajecca takaja kukuruza ŭ roznych upakoŭkach. Možna nabyć i «miks» — tam adrazu dva vidy. Naprykład, žoŭty varyjant budzie kaštavać 16,99 rubla za 480‑hramovuju ŭpakoŭku (35,4 rubla za 1 kh). A voś ciomny pradajecca ŭ tary mienšaj — za 200 h u vas paprosiać 4,99 rubla (24,95 rubla za 1 kh).

Fota: Tochka.by

Za «miks» daviadziecca addać 15,99 rubla za 350 h (45,99 rubla za 1 kh).

Fota: Tochka.by

Pry hetym kukuruza idzie ŭžo varanaja.

Skarbnica antyaksidantaŭ

Kukuruza «mini» stała papularnaj dziakujučy svaim pažyŭnym ułaścivaściam i pryvabnamu źniešniamu vyhladu.

Fota: Tochka.by

Čorny varyjant vyłučajecca hłybokim ciomnym koleram, jaki abumoŭleny vysokim utrymańniem antacyjanaŭ — pryrodnych antyaksidantaŭ. Jon bahaty na vitaminy, minierały i klatčatku. U takoj kukuruzy smak zvyčajna krychu bolš ziamlisty, nasyčany i mienš sałodki, čym u žoŭtaj. Niekatoryja paraŭnoŭvajuć jaho ź lohkim arechavym prysmakam.

Fota: Tochka.by

Fota: Tochka.by

Žoŭty varyjant — heta bolš raspaŭsiudžany sort, jaki viadomy svaim sałodkim smakam i jarkim koleram. Jon taksama źmiaščaje karatynoidy, takija jak beta-karatyn.

Jak lepš hatavać

Kali vy kupili banočku abo ŭpakoŭku śviežaj mini-kukuruzy, to voś niekalki varyjantaŭ:

• styr-fraj. Absmažcie na mocnym ahni z sojevym sousam, imbiram, časnakom i kunžutnym alejem 3—4 chviliny. Jana pavinna zastacca chrumstkaj;
• hryl. Źlohku zmažcie alejem i absmažcie na patelni-hryl da pałosak — idealny harnir da miasa;
• sałaty: kukuruza vydatna spałučajecca z morapraduktami, śviežymi ahurkami, piercam i kinzaj.

Važny niuans: kali vy bačycie ŭ kramie čornuju kukuruzu, pierakanajciesia, što heta naturalny sort, a nie marynavany pradukt z dadavańniem farbavalnikaŭ.

Kamientary da artykuła