«Kłon» małdaŭskaha žurnalista z fejkavymi dakumientami ŭciraŭsia ŭ davier da biełarusaŭ u Polščy
Nieviadomyja nazyvalisia małdaŭskim žurnalistam Uładzimiram Tchorykam i praz ofis Śviatłany Cichanoŭskaj sprabavali ŭciercisia ŭ davier da biełarusaŭ u Polščy. Pra heta žurnalist i redaktar ruskamoŭnaha adździeła vydańnia RISE Moldova raskazaŭ u fejsbuku, zaŭvažyła vydańnie Reform.news.
Pavodle słoŭ Tchoryka, nieviadomyja padrabili pres-kartu na jaho imia.
«Mianie kłanavali. Nieviadomyja padrabili maju identyčnaść žurnalista. Majo fota i proźvišča vykarystali dla fejkavaj pres-karty. Pravakatary nazyvalisia mnoju. I praz ofis biełaruskaj apazicyjanierki Śviatłany Cichanoŭskaj uciralisia ŭ davier da biełaruskich emihrantaŭ u Polščy. Pad vyhladam žurnalista chacieli razhavaryć apanientaŭ režymu Łukašenki», — napisaŭ žurnalist.
Padrabiaznaści Tchoryk paabiacaŭ dać zaŭtra.
Čytajcie taksama:
Zapłacili pa 70 dalaraŭ. Chto zdymaŭ udzielnikaŭ Dnia Voli ŭ Vilni dla biełaruskich śpiecsłužbaŭ