Vyznačyli datu, kali palaŭničyja razyhrajuć prava zastrelić pieršych z 35 miadźviedziaŭ

U Biełarusi vyznačyli datu pieršaha rozyhryšu prava na palavańnie na miadźviedzia ŭ 2026 hodzie. Jon adbudziecca 30 červienia ŭ pieršaj pałovie dnia, a pryjom zajavak na ŭdzieł zavieršycca 29 červienia ŭ 13:00.

Fota: Biełaruskaje tavarystva palaŭničych i rybałovaŭ

Siezon palavańnia na miadźviedzia ŭ krainie budzie prachodzić z 1 lipienia pa 31 śniežnia 2026 hoda. Palavańnie dazvolena z zasady abo z padychodu z vykarystańniem naraznoj zbroi, hładkastvolnaj zbroi kalibram nie mienš za 16‑y, a taksama palaŭničych sabak.

Pavodle danych Biełaruskaha tavarystva palaŭničych i rybałovaŭ, u palaŭničych haspadarkach, dzie dazvolena rehulavańnie kolkaści miadźviedzia, u 2026 hodzie naličyli 445 asobin. Vydzielić dla palavańnia zapłanavana 35 źviaroŭ. Miadźviedź u Biełarusi maje status binarnaha vidu — jon adnačasova adnosicca da achoŭnych i palaŭničych žyvioł.

Udzielničać u palavańni mohuć hramadzianie z palaŭničym stažam nie mienš za try hady. Košt pucioŭki dla čalcoŭ BTPR składaje 40 rubloŭ, dla inšych palaŭničych — 80 rubloŭ. Dazvoł na palavańnie na miadźviedzia praz rozyhryš kaštuje 1000 rubloŭ, a ŭ ramkach palaŭničych turaŭ — ad 6000 rubloŭ za asobinu.

Rozyhryšy buduć pravodzicca štotydzień pa aŭtorkach abo sieradach, kab vyznačyć palaŭničych na najbližejšyja vychadnyja. Pieramožcy buduć vyznačacca z dapamohaj śpiecyjalnaj prahramy, a paśla atrymańnia prava na palavańnie ich zajaŭki buduć vydalacca sa śpisu ŭdzielnikaŭ, kab zabiaśpiečyć roŭnyja mahčymaści dla inšych.

Kamientary da artykuła