Viaskoviec pradaŭ kania i zrabiŭ sielskahaspadarčuju techniku z rovara
Cuda-ahrehat zmajstravaŭ sabie mužčyna paśla prahladu tyktoku. Šeść hadoŭ tamu jon pradaŭ kania, a ciapier prydumaŭ, jak efiektyŭna zamianić jaho: zrabiŭ akučnik dla bulby z rovara.
Dla haspadarki viaskoviec zmajstravaŭ sabie z rovara cuda-akučnik. Pryvaryŭ sošku, rul, a śpieradu koła — i pajšła praca, piša «Minskaja praŭda».
— Za dzień možna prajści hiektar, nie toje što matykaj machać. Ubačyŭ takoje ŭ tyktoku — i sabie zvaryŭ. Zručna, chutka, śpinu nie hnuć — voś hety pamočnik jaje bieraže, — kaža haspadar.