U Vienhryi źmianili Kanstytucyju, kab nie dazvolić Orbanu znoŭ stać premjer-ministram
U Vienhryi parłamient padtrymaŭ papraŭku da Kanstytucyi, jakaja ŭstanaŭlivaje maksimalny dapuščalny termin znachodžańnia na premjerskaj pasadzie i nie dazvolić viarnucca Viktaru Orbanu, piša «Jeŭrapiejskaja praŭda».
Viktar Orban. Fota: Thanassis Stavrakis / AP
Vienhierski parłamient 15 červienia padtrymaŭ źmianieńni ŭ asnoŭny zakon, jakimi abmiažoŭvajuć mahčymy termin znachodžańnia na pasadzie premjer-ministra vaśmiu hadami — u tym liku ź pierapynkami.
Praviła budzie raspaŭsiudžvacca na ŭsich asob, jakija zajmali premjerskuju pasadu z 2 maja 1990 hoda — značyć, i na eks-premjera Viktara Orbana, začyniajučy jamu patencyjny šlach da viartańnia paśla 16 hadoŭ ułady.
U jaho partyi «Fides» krytykujuć papraŭki za «piersanalnuju zaanhažavanaść» i «zvarotnuju siłu» dy adznačajuć, što takich praviłaŭ niama ni ŭ adnoj z parłamienckich demakratyj u Jeŭropie.
Raniej parłamient Vienhryi prahałasavaŭ za skaračeńnie zarobkaŭ deputataŭ na 40%.
U minułyja vychadnyja na źjeździe «Fides» Orbana pieraabrali staršynioj partyi.