Adny ničyi. Vyniki futbolnaj nočy na mundyjali
Ramełu Łukaku vyjšaŭ na zamienu i za 21 siekundu arhanizavaŭ hoł.
Ramełu Łukaku. Fota: Alex Grimm/Getty Images
Na čempijanacie śvietu ŭ boj ustupili try musulmanskija zbornyja.
Spačatku Jehipiet daŭ boj Bielhii. Matč adkryŭsia hołam-pryhažunom Emama Ašura.
Na 66‑j chvilinie na zamienu vyjšaŭ zorny bielhijski forvard Ramełu Łukaku i ŭžo praz 21 siekundu arhanizavaŭ hoł.
Zdavałasia, heta sam hulec «Napali» zabiŭ ź pieršaha dotyku. Ale akazałasia — aŭtahoł. Bielhijec nacisnuŭ na dvuch abaroncaŭ jehipcian, i Machamied Chani zrezaŭ miač va ŭłasnyja varoty — 1:1.
Uruhvaj zhulaŭ z takim ža likam — 1:1 — uničyju z Saudaŭskaj Aravijaj, pryjšłosia taksama adyhryvacca.
Iran — Novaja Ziełandyja — 2:2. U Novaj Ziełandyi dubl u hulca šatłandskaha «Mozerueła» Ełajdžy Džasta. Heta ŭžo čaćvierty dubl na čempijanacie śvietu.
Nahadajem, što ŭčora taksama ŭničyju zhulali Ispanija i Kaba-Vierde — 0:0.
Siońnia na čempijanacie śvietu — supiermatč: Francyja — Sieniehał (pačatak a 22‑j pa Minsku).
Na ČS-2002 sieniehalcy siensacyjna i pryhoža dajšli da 1/4 finału, a ŭzimku hetaha hoda vyjhrali Kubak Afryki, ale pieramohu praz try miesiacy zabrali i prysudzili Maroka, što vyklikała skandał i mocny rozhałas.