U Brazilii dziaŭčynu kinuli z 40‑mietrovaj vyšyni, zabyŭšysia zamacavać achoŭny kanat
U brazilskim štacie San-Paŭłu 21‑hadovaja dziaŭčyna zahinuła padčas skačka z kanatam z 40‑mietrovaha mosta. Arhanizatary zabylisia nadzieć na jaje ryštunak.
Niaščasny vypadak adbyŭsia ŭ subotu, 13 červienia. 21‑hadovaja Maryja Eduarda Radryhies de Frejtas zahinuła padčas ekstremalnaha skačka z vyšyni. Arhanizatary paličyli jaje hatovaj i adpravili ŭ volnaje padzieńnie, naohuł nie prymacavaŭšy achoŭny ryštunak.
Paśla taho jak jaje kinuli i z mosta, prysutnyja zaŭvažyli strašnuju pamyłku. Na videazapisach, jakija trapili ŭ sacyjalnyja sietki, čuvać, jak śviedki ŭ adčai pačali kryčać, što viaroŭka zastałasia na płatformie.
Ad atrymanych pry padzieńni z 40‑mietrovaj vyšyni traŭmaŭ dziaŭčyna pamierła na miescy.
Palicyja zatrymała šeść čałaviek.