Tramp zajaviŭ, što pahadnieńnie ZŠA ź Iranam płanujecca padpisać u niadzielu

Adrazu paśla taho maje adkrycca Armuzski praliŭ.

Donald Tramp. Fota: Win McNamee / Getty Images

«Padpisańnie ŭhody zapłanavana na zaŭtra. Adrazu ž paśla padpisańnia Armuzski praliŭ adkryjecca dla ŭsich», — napisaŭ prezident ZŠA Donald Tramp u sacsietcy Truth Social.

Tramp taksama skazaŭ, što raźličvaje źniščyć iranski vysokaŭzbahačany ŭran paśla padpisańnia pahadnieńnia z Tehieranam.

«U prydatny momant, kali ŭsio supakoicca, my ŭvojdziem i zabiarom jadzierny pył, pachavany hłyboka pad mahutnymi hranitnymi harami, […] i źniščym jaho, ci to ŭ Iranie, ci to ŭ Złučanych Štatach. My raźličvajem na doŭhaterminovaje supracoŭnictva ź Iranam i ŭsim Blizkim Uschodam», — napisaŭ Tramp, dadaŭšy, što spadziajecca, što jamu bolš nie pryjdziecca prymianiać siłu ŭ dačynieńni da Irana.

«Spadziajusia, što praces projdzie chutka, lohka i biez uskładnieńniaŭ. U advarotnym vypadku my zaŭsiody možam vykarystać alternatyŭny mietad. Spadziajusia, bolš da hetaha źviartacca nie pryjdziecca», — zajaviŭ prezident ZŠA.

Pierad hetym pradstaŭnik MZS Irana Ismaił Bahai paviedamiŭ, što padpisańnie miemaranduma ab pačatku ŭrehulavańnia kryzisu pamiž ZŠA i Iranam u niadzielu nie adbudziecca, adnak heta moža zdarycca ŭ najbližejšyja dni. 

Kamientary da artykuła