Pamior trenier pa stralbie z łuka Barys Isačanka
Jon vyjhraŭ srebra na Alimpijadzie ŭ Maskvie.
Pamior siarebrany pryzior Alimpijskich hulniaŭ 1980 hoda pa stralbie z łuka Barys Isačanka, paviedamiła ŭpraŭleńnie sportu Bresckaha abłvykankama.
«Z hłybokim škadavańniem paviedamlajem pra toje, što nie stała Barysa Valancinaviča Isačanki — lehiendy savieckaha i biełaruskaha sportu, siarebranaha pryziora Alimpijskich hulniaŭ 1980 hoda, majstra sportu SSSR mižnarodnaha kłasa. Jaho imia nazaŭsiody ŭpisana ŭ historyju stralby z łuka», — havorycca ŭ paviedamleńni.
Barys Isačanka naradziŭsia ŭ Breście 26 śniežnia 1958 hoda. Vyjhraŭ srebra na Alimpijadzie ŭ Maskvie.
Paśla zaviaršeńnia spartyŭnaj karjery Barys Isačanka pryśviaciŭ siabie trenierskaj pracy. Z 1997 hoda jon uznačalvaŭ zbornuju Biełarusi pa stralbie z łuka, a ŭ 2002 hodzie staŭ členam Nacyjanalnaha alimpijskaha kamiteta Biełarusi. Pad jaho kiraŭnictvam zbornaja Biełarusi dasiahnuła značnych pośpiechaŭ: zavajavała čempijonski tytuł na čempijanacie Jeŭropy i siarebrany miedal na čempijanacie śvietu.