USU atakavali most u Čanhary ŭ Krymie
Ukrainskija bieśpiłotniki nanieśli ŭdary pa mastavoj infrastruktury ŭ Chiersonskaj vobłaści. Pra heta zajaviŭ kiraŭnik akupavanaj Chiersonščyny Uładzimir Salda.
Pavodle jaho słoŭ, za noč rasijskaja SPA i mabilnyja ahniavyja hrupy źbili 25 ukrainskich dronaŭ. U tym liku paškodžany čyhunačny most u Čanhary.
Google.maps
«Praciŭnik zrabiŭ novuju sprobu atakavać masty ŭ kirunku Čanhara. Ruch u bok APP «Džankoj» ciapier pierakryty. Taksama hetaj nočču vorah udaryŭ pa moście, jaki złučaje Hieničesk z Arabackaj strełkaj. Śpiecyjalisty ŭžo praviali abśledavańnie kanstrukcyj. Ruch zapuščany ŭ reviersiŭnym režymie», — napisaŭ jon.
Čanharskija masty — čyhunačny most i damba praz zaliŭ Sivaš — złučajuć akupavanyja rasijskimi vojskami terytoryi poŭdnia Ukrainy z anieksavanym Krymam u paŭnočna-ŭschodniaj jaho častcy.
Apošnim časam USU rehularna bjuć pa mastach, jaki złučajuć anieksavany Krym z macierykom.