Pasolstva Polščy ŭ Minsku źmianiaje praviły pryjomu dakumientaŭ na kartu palaka
Konsulski adździeł i adździeł pa spravach palakaŭ Ambasady Respubliki Polšča ŭ Minsku paviedamiŭ pra źmieny ŭ pracedury padačy dakumientaŭ. Z 11 červienia 2026 hoda zapis na vizit pa šerahu pytańniaŭ, źviazanych z kartaj palaka, pieravodzicca na novuju sistemu.
Ciapier zapisacca na pryjom dla padačy zajaŭ pa nastupnych spravach možna vyklučna praź sistemu e-konsulat:
pradaŭžeńnie terminu dziejańnia karty palaka;
vydača dublikata dakumienta;
źmiena dadzienych uładalnika karty palaka.
Kolkaść miescaŭ dla zapisu ŭ sistemie stroha abmiežavanaja.
Źviarnicie ŭvahu: dakumienty na pradaŭžeńnie karty palaka nie buduć prymacca, kali termin dziejańnia vašaha ciapierašniaha dakumienta ŭžo skončyŭsia.