U dzień naradžeńnia Navalnaha vyjšła aŭdyjakniha «Patryjot»
Soratniki Alaksieja Navalnaha ŭ jaho 50‑y dzień naradžeńnia vypuścili aŭdyjoviersiju knihi palityka «Patryjot», paviedamiła ŭdava Julija Navalnaja.
Fota: Markus Schreiber, AP
Pasłuchać tvor možna biaspłatna na sajcie vydaviectva One Book Publishing, paviedamlaje «Novaja hazieta Jeŭropa».
U ahučvańni knihi ŭdzielničali siamja Navalnaha, piśmieńniki Barys Akunin i Michaił Zyhar, akciory Čułpan Chamatava, Jana Trajanava i Artur Smalaninaŭ, a taksama vykanaŭcy Noize MC, Uładzi i Lova Bi-2.
Akramia hetaha, kamanda Navalnaha zapuściła sajt z archivam vystupleńniaŭ, intervju, rasśledavańniaŭ, fota i dopisaŭ palityka. Pa słovach Leanida Vołkava, tam možna znajści materyjały, jakija ŭžo nie huhlacca. Nad sajtam kamanda Navalnaha pracavała kala paŭtara hoda.
Alaksiej Navalny byŭ zabity 16 lutaha 2024 hoda ŭ kałonii ŭ pasiołku Charp Jamała-Nienieckaj aŭtanomnaj akruhi. Paźniej The Insider vyśvietliŭ, što palityk byŭ atručany vysokataksičnym jadam epibatydynam. Heta ŭ sumiesnaj zajavie paćvierdzili Vialikabrytanija, Šviecyja, Francyja, Hiermanija i Niderłandy.