Atručeńnie dziaciej u Barysavie adbyłosia ŭ 11 sadkach
U Minzdaroŭi prakamientavali vypadak u Barysavie, dzie adbyłosia masavaje atručvańnie daškolnikaŭ. U viedamstvie kažuć pra 30 dziaciej.
Z 19:40 2 červienia da 14:00 3 červienia ŭ Barysaŭskuju rajonnuju balnicu źviarnulisia 30 daškolnikaŭ sa skarhami na šmatrazovyja vanity (da 10 razoŭ), boli ŭ žyvacie i słabaść. Usiaho byli 30 dziaciej uzrostam ad 2 hadoŭ 8 miesiacaŭ da 8 hadoŭ, heta byli vychavancy 11 sadkoŭ, paviedamlaje Minzdaroŭja.
Špitalizavanyja byli 27 dziaciej z papiarednim dyjahnazam «Vostry hastraenteryt». Stan na momant pastupleńnia aceńvaŭsia jak siaredniaj ciažkaści. U troch vypadkach baćki aformili piśmovuju admovu ad špitalizacyi, i dzieci stali prachodzić lačeńnie doma.
Usie špitalizvanyja byli ahledžanyja daktarami-infiekcyjanistami i pačata lačeńnie.
Pa stanie na viečar sierady va ŭsich špitalizavanych adznačałasia ŭstojlivaja stanoŭčaja dynamika. Pa stanie na 18:00 vosiem dziaciej vypisany.
Dla vyśviatleńnia pryčyn zachvorvańnia sanitarna-epidemijałahičnaja słužba pravodzić sanitarna-epidemijałahičnaje rasśledavańnie, paviedamiła Minzdaroŭja.