Cnianskaje vadaschovišča stała dziŭnaha koleru. Što zdaryłasia?
U Minskim haradskim kamitecie pryrodnych resursaŭ i achovy navakolnaha asiarodździa patłumačyli.
Fota tut i dalej: minskpriroda / Telegram
Vada Cnianskaha vadaschovišča stała dziŭnaha koleru. Kala bieraha jana nabyła pierłamutravaje adcieńnie. Minčuki dumali, što ŭ vadajom mahli niešta skinuć. Ale pryčyna nie ŭ hetym.
Supracoŭniki Minharkampryrody tłumačać — koler vady źmianiŭsia z-za mietafitonu, jaki ŭtvarajecca ŭ chodzie naturalnaha pracesu.
«Mietafiton — heta frahmienty bijaabrastańniaŭ dna i padvodnych pavierchniaŭ, jakija ŭspłyli na pavierchniu, abo płankton, što sabraŭsia na vodnaj hładździ. Asnoŭnymi jaho kampanientami źjaŭlajucca vodaraści, bakteryi i miortvaje arhaničnaje rečyva, biespazvanočnyja i hryby.
Pa vynikach łabaratornych nazirańniaŭ utrymańnie kisłarodu ŭ pavierchnievych vodnych abjektach adpaviadaje ŭstanoŭlenym narmavanym značeńniam», — kažuć u Minharkampryrody.