Łakalizavana miesca padzieńnia bieśpiłotnika ŭ Słucku
Jon upaŭ u aŭtorak u 12:20.
Miesca padzieńnia kala aŭtaservisa na vulicy Bahdanoviča, Google.maps
«Fłahštok» znajšoŭ paćvierdžańnie incydentu z padzieńniem bieśpiłotnika ŭ Słucku. Heta adbyłosia dniom 2 červienia kala 12:20, paśla masiravanaj pavietranaj ataki Rasii pa terytoryi Ukrainy.
U rasparadžeńni «Fłahštoka» jość fota ź miesca padzieńnia častki BpŁA, jakoje nie publikujecca ź mierkavańniaŭ biaśpieki.
Dziakujučy hetamu zdymku ŭdałosia vyznačyć dakładnaje miesca «prylotu»: heta ŭskraina Słucka, pramysłovaja zona, učastak pobač z zakinutaj vajskovaj častkaj № 28390, terytoryja na padjeździe da šynamantažu pa adrasie Bahdanoviča, 184.
Miesca padzieńnia na vulicy Bahdanoviča
Na fota bačny čorny, bujny, mocna paškodžany BpŁA. Pramavuholnyja abrysy rula kiravańnia nahadvajuć takija ŭ rasijska-iranskaha šachieda (Hierań), piša «Fłahštok».
Ukrainskija manitorynhavyja Telegram-kanały nie zaŭvažyli parušeńnia pavietranaj prastory Biełarusi padčas rasijskaj ataki 2 červienia. Z hetaha možna zrabić vysnovu, što pralot byŭ na nizkaj vyšyni abo praz učastak, jaki ŭkrainskija manitorynhavyja kanały nie bačać.
Pieršaja infarmacyja pra padzieńnie bieśpiłotnika ŭ Słucku źjaviłasia 2 červienia ŭ miascovych čatach, ale jaje chutka vydalali. Kala 14:00 karystalniki paviedamili ŭ čacie pra pierakryćcio vulicy Bahdanoviča.
Infarmacyi pra incydent ad uładaŭ i dziaržaŭnych ŚMI tak i nie źjaviłasia.