U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłotu ŭ Kranštacie
udakładniena, dapoŭniena
Harać niekalki reziervuaraŭ. Udar naniesieny i pa bazie Bałtyjskaha fłotu ŭ Kranštacie.
Słupy dymu nad naftavym terminałam Pieciarburha. Fota AP Photo
Hałoŭny ŭ Rasii Pieciarburhski ekanamičny forum projdzie na fonie hihanckich pažaraŭ na naftavym terminale.
Žychary Sankt-Pieciarburha paviedamlajuć, što prykładna z treciaj hadziny nočy nad horadam stali čutnyja vybuchi.
Hubiernatar Alaksandr Draździenka kala siami hadzin ranicy pa miascovym časie paviedamiŭ pra 50 źbitych bieśpiłotnikaŭ.
U Kiraŭskim rajonie horada ŭ vyniku ataki zahareŭsia «Pieciarburhski naftavy terminał» — adzin z najbujniejšych pieravałačnych kompleksaŭ, jaki zajmajecca zachoŭvańniem, pierapracoŭkaj i adhruzkaj nafty.
Pryčym, miarkujučy ź videa, ukrainskija drony bili pa reziervuarach amal bieśpieraškodna. Na videa trapili prynamsi šeść udaraŭ.
Vializny słup dymu ŭźniaŭsia i ŭ Kranštacie, na bazie Bałtyjskaha fłotu. Paźniej Siły bieśpiłotnych apieracyj Ukrainy apublikavali videa: udar byŭ naniesieny pa karviecie «Bojki», jaki tam ramantavaŭsia.
U aeraporcie Pułkava zatrymanyja dziasiatki rejsaŭ. Płan «Dyvan» Rasavijacyja ŭviała kala čaćviortaj hadziny ranicy. Miascovyja žychary śćviardžajuć, što paviedamleńni z papiaredžańniem ab pahrozie ataki bieśpiłotnikaŭ u rehijonie pastupali sa spaźnieńniem.