U Minsku dvoje mužčyn zahinuli ad pieradaziroŭki narkotykami
Mužčyn znajšli miortvymi ŭ roznych rajonach Minska. Śledčyja vyśviatlajuć, chto pieradaŭ im zabaronienyja rečyvy.
42‑hadovaha minčanina žonka znajšła biez prytomnaści ŭ padjeździe šmatpaviarchovika. Miedyki chutkaj dapamohi sprabavali jaho reanimavać, ale mužčyna pamior.
Na jaho ciele znajšli śviežy śled ad injekcyi, a ŭ kišeni — upakoŭku ad špryca.
Druhi vypadak zdaryŭsia ŭ inšym rajonie stalicy. Tam 44‑hadovy mužčyna doŭha nie vychodziŭ na suviaź. Maci pryjechała da jaho na kvateru i znajšła syna miortvym.
Sudova-miedycynskaja ekśpiertyza paćvierdziła, što ŭ abodvuch vypadkach pryčynaj śmierci stała mienavita pieradaziroŭka. Śledstva praciahvajecca.