Pjany 24‑hadovy chłopiec paśla fiestyvalu ŭ Vaŭkavysku napaŭ na milicyjantaŭ
Adnaho schapiŭ za formu, druhoha ŭdaryŭ u tvar.
Vaŭkavyskija milicyjaniery zatrymali 24‑hadovaha minčuka, jaki ŭ stanie mocnaha ałkaholnaha apjanieńnia napaŭ na supracoŭnikaŭ patrulna-pastavoj słužby, paviedamili va UUS Hrodzienskaha abłvykankama.
Zdaryŭsia adbyłosia 30 maja ŭ Vaŭkavyskim rajonie, dzie prachodziŭ fiestyval «PROžarka».
Pa viersii milicyi, paśla aficyjnaha zakryćcia placoŭki supracoŭniki patrulna-pastavoj słužby zaŭvažyli maładoha čałavieka, jaki hučna vykrykvaŭ abrazy na adras milicyjanieraŭ.
«Na zaŭvahi jon nie reahavaŭ. Zamiest hetaha 24‑hadovy minčuk napaŭ na supracoŭnikaŭ: adnaho schapiŭ za formu, a druhoha ŭdaryŭ u tvar», — raspaviali padrabiaznaści incydentu ŭ milicyi.
Parušalnika zatrymali. Patłumačyć matyvy svajho ŭčynku minčuk nie zmoh, spasłaŭšysia na toje, što vypiŭ zanadta šmat ałkaholu i nie kantralavaŭ svaje dziejańni.
Chłopcu pahražaje da 7 hadoŭ.