Za ŭvachod u Kiolnski sabor buduć brać hrošy
«Saboru treba šmat hrošaj».
Fota: Juliane Sonntag/Photothek via Getty Images
Z 1 lipienia ŭvachod u Kiolnski sabor dla turystaŭ stanie płatnym. Vizit budzie kaštavać 12 jeŭra, paviedamiŭ nastajaciel sabora Hvida Asman, piša Bild.
Da hetaha času patrapić u adzin z samych viadomych chramaŭ Hiermanii možna było biaspłatna: kožny hod jaho naviedvajuć kala 6 miljonaŭ čałaviek.
U sabory adznačajuć, što heta nie prosta bilet, a «płata za ahlad», jakaja patrebna dla ŭtrymańnia, achovy i pracy budynka. Dla školnikaŭ, studentaŭ, navučencaŭ, jakija supravadžajuć školnyja hrupy, i ŭładalnikaŭ sacyjalnaha paśviedčańnia košt składzie 6 jeŭra.
Dzieci da 13 hadoŭ, ludzi ź ciažkaj invalidnaściu i ich supravadžalniki zmohuć naviedvać sabor biaspłatna. Dostup na bohasłužeńni taksama zastaniecca svabodnym.
«Sabor kaštuje hrošaj, saboru treba šmat hrošaj», — skazaŭ kiraŭnik finansavych pytańniaŭ sabora Klemiens van de Vien.
Pavodle jaho słoŭ, utrymańnie abjekta suśvietnaj spadčyny JUNIESKA abychodzicca ŭ 44 tysiačy jeŭra ŭ dzień.