Pašynian paabiacaŭ fiermieram vypłacić za ŭradžaj, jaki jany nie zmohuć pastavić u Rasiju
«Siońnia my znachodzimsia na etapie stratehičnaha vybaru».
Nikoł Pašynian. Fota: Mikhail Metzel, Sputnik, Kremlin Pool Photo via AP
Premjer-ministr Armienii Nikoł Pašynian paabiacaŭ, što vypłacić fiermieram kampiensacyi za ŭradžaj, jaki jany nie zmohuć pastavić u Rasiju z-za ŭviedzienych Maskvoj abmiežavańniaŭ.
«Siońnia my znachodzimsia na etapie stratehičnaha vybaru. My vyrašajem pytańnie našaj dziaržavy, respubliki i nabyćcia dziaržavaj novaj jakaści. I ja kažu: sapsujecca pierac — ja zapłaču za hety pierac, urad zapłacić. Ale ŭ vyniku ŭsiaho hetaha vyraście i vytvorčaść piercu ŭ Armienii, i ekspart», — zajaviŭ Nikoł Pašynian.
Rasija z 2 červienia časova zabaraniła ŭvoz u Rasiju šerahu sadaviny z Armienii. Pad zabaronu trapili: višni, čarešni, abrykos, śliva, piersik, niektaryn, vinahrad.
Na minułym tydni była ŭviedziena zabarona na kłubnicy, zielaninu, ahurki, pamidory, piercy, niekalki marak kańjaku i vina.
Adnosiny pamiž Rasijaj i Armienijaj abvastrylisia na fonie taho, što Jerevan pačaŭ naładžvać suviazi z krainami Zachadu. Uładzimir Pucin zajaŭlaŭ, što ŭ vypadku, kali Armienija ŭvojdzie ŭ skład Jeŭrasajuza, Maskva «zhornie» ŭsiu ekanamičnuju intehracyju ź Jerevanam i pierastanie zakuplać tavary z Armienii.
Taksama na samicie ŭ Astanie 28 maja kiraŭniki Rasii, Biełarusi, Kazachstana i Kyrhyzstana zapatrabavali ad Armienii pravieści refierendum nakont vybaru, ES abo Jeŭraazijackaja ekanamičnaja supolnaść. Rasija adklikała svajho pasła ź Jerevana.
7 červienia ŭ Armienii projduć parłamienckija vybary. Rasija robić staŭku na «Kvitniejučuju Armieniju» Samvieła Karapieciana i nibyta płanavała zavieźci ŭ krainu padčas vybaraŭ 100 tysiač armian, bo hałasavańnie z-za miažy zabaroniena.