Pa viartańni z Polščy aryštavali byłoha supracoŭnika KDB. Jaho abvinavačvajuć u «zdradzie dziaržavie»
Ihar Sutyrka byŭ zatrymany 10 krasavika.
Heta były supracoŭnik KDB, jaki zvolniŭsia ź viedamstva kala 10 hadoŭ tamu. 39‑hadovaha mužčynu zatrymali nieŭzabavie paśla viartańnia z Polščy, piša «Viasna».
Ihar, aproč biełaruskaha hramadzianstva, maje taksama polskaje.
Paśla zvalnieńnia z KDB prykładna ŭ 2014 hodzie Ihar zaniaŭsia prahramavańniem. Niekalki hadoŭ jon žyŭ u Polščy, ale ŭ krasaviku pryjechaŭ u Biełaruś, dzie byŭ zatrymany.
Jamu inkryminujuć art. 356 Kryminalnaha kodeksa (zdrada dziaržavie). Ciapier Sutyrku ŭtrymlivajuć u SIZA KDB.
Na voli ŭ jaho zastalisia žonka i niepaŭnaletniaja dačka.