U Krymie admianili paliŭnyja tałony. Bo paliva niama
Krymskaja sietka AZS TES paviedamiła, što spyniła prodaž paliva pa tałonach, jaki ŭviali tolki ŭčora. Pryčyna — adsutnaść paliva.
Z 31 maja ŭ anieksavanym Krymie bienzin AI-92, AI-95 na zapraŭkach sietak TES stali adpuskajuć tolki pa tałonach. A siońnia ŭžo spynili, bo paliva niama.
U anieksavanym Krymie — vostry deficyt paliva.
Kryzis vyklikany pavietranaj błakadaj ukraincami trasy R-280 «Navarosija» (Rastoŭ-na-Donie — Simfieropal), jakaja stała asnoŭnym maršrutam pastavak paśla abmiežavańnia ruchu praz Krymski most i Kierčanski praliŭ.
Ukrainskija vajskoŭcy ŭ miežach prahramy masava atakujuć transpart zabieśpiačeńnia z dapamohaj dronaŭ. Analityki paćviardžajuć sotni vypadkaŭ źniščeńnia hruzavikoŭ u tyle, što paralizavała rasijskuju łahistyku i pakinuła paŭvyspu biez paliva.