«Mileńkija, ale kab mamačku nie sustreć». U Mahilovie zaŭvažyli dzikich parasiat
Mahiloŭcy praciahvajuć sustrakać dzikich žyvioł ŭ miežach horada. Hetym razam miascovaja žycharka zaŭvažyła paru dzikich parasiat, jakija špacyravali ŭ rajonie praśpiekta Dzimitrava biez supravadžeńnia śvińni, piša «MohilevOnłajn».
«Ničoha sabie ŭ vas praśpiekty», — napisaŭ niechta, na što aŭtarka pasta ŭ Threads pažartavała: «Aha, va ŭsich kantaktnyja zaaparki, a ŭ nas adrazu praśpiekty».
Karystalniki sacyjalnaj sietki ździvilisia i ŭschvalavalisia ŭbačanym. Niekatoryja zaniepakoilisia, što pobač moža być i darosły dzik.
«Božańki, dy jakija ž jany mileńkija! Hałoŭnaje — mamačku nie sustreć», — napisała adna z karystalnic u kamientarach.
Chtości surjozna zaniepakoiŭsia, što dzikija žyvioły hulajuć tak blizka.
Pa słovach aŭtarki pasta, jana paviedamiła pra sustretych dzičkoŭ u MNS, ale kali ratavalniki pryjechali, to parasiaty ŭžo źnikli ŭ nieviadomym kirunku. Darečy, akazałasia, što heta ŭžo nie pieršy raz, kali dzičkoŭ zaŭvažajuć u horadzie, ale złavić ich pakul nie ŭdajecca.
Inšyja dzikija žyvioły taksama lubiać naviedvacca ŭ Mahiloŭ. Tak, litaralna dniami ŭ sacsietkach dzialilisia videa z prahułkaj łasia kala Tryumfalnaj arki.
Čytajcie taksama:
Na Hrodzienščynie darohu pierad aŭtamabilem pierabieh vialiki statak dzikoŭ VIDEA
U Hiermanii za hod padstrelili kala 3 tysiač radyjeaktyŭnych dzikoŭ
U Varšavie pasialili čałaviekapadobnaha robata — jon haniaje dzikoŭ i razmaŭlaje z narodam