21‑hadovuju dziaŭčynu ź Pinska asudzili za palityku. Jana vučyłasia ŭ Polščy, ale viarnułasia ŭ Biełaruś
Na Janu Halimskuju zaviali spravu za «sadziejničańnie ekstremisckaj dziejnaści».
Jana Halimskaja, fota ź jaje instahrama. Fon pa bakach damalavany niejrasietkaj
Janie Halimskaj 21 hod. Jana rodam ź Pinska. U 2021 hodzie dziaŭčyna skončyła škołu. Praz hod pajechała ŭ Polšču, dzie spačatku pastupiła ŭ Krakaŭ na padrychtoŭčy «nulavy» hod, a paśla — va ŭniviersitet. Ci paśpieła Halimskaja skončyć navučańnie, dakładna nie viadoma.
Nieviadoma taksama, ci jana viarnułasia ŭ Biełaruś, ci jeździła tudy adviedać baćkoŭ. Ale jaje aryštavali ŭ druhoj pałovie minułaha hoda i źmiaścili ŭ SIZA.
Janu asudzili ŭ Minskim haradskim sudzie pavodle častak 1 i 2 artykuła 361‑4 Kryminalnaha kodeksa Biełarusi — «sadziejničańnie ekstremisckaj dziejnaści». Dakładnyja abstaviny jaje spravy nieviadomyja.
Dziaŭčynie prysudzili chatniuju chimiju.
Apošnim časam Halimskaja sprabuje zarablać jak repietytarka: sa studzienia 2026 hoda jana vykładaje polskuju i biełaruskuju movy.