U 2025 hodzie polskaje hramadzianstva atrymali 6,5 tysiačy biełarusaŭ
U 2025 hodzie polskaje hramadzianstva atrymali 19 tysiač zamiežnikaŭ, u tym liku 6,5 tys. hramadzian Biełarusi. Takuju statystyku ahučyli ŭ Siejmie pradstaŭniki MUS, piša Most.
Hetyja danyja ŭklučajuć jak tych, chto byŭ pryznany polskim hramadzianinam (takoje rašeńnie prymaje vajavoda), tak i tych, chto atrymaŭ hramadzianstva pavodle rašeńnia prezidenta.
Biełarusy — druhaja pa kolkaści hrupa zamiežnikaŭ, jakija atrymlivajuć hramadzianstva Polščy.
Na pieršym miescy — ukraincy. Letaś polski pašpart atrymali 10 tys. hramadzian hetaj krainy. Za biełarusami ź vialikim adryvam iduć rasijanie (759 čałaviek).
Čaściej za ŭsio z chadajnictvam ab pryznańni polskimi hramadzianami źviartajucca zamiežniki polskaha pachodžańnia, jakija raniej mieli kartu palaka.
Z 19 tys. čałaviek, jakija stali polskimi hramadzianami ŭ 2025 hodzie, 5 tys. skłali niepaŭnaletnija, uklučanyja ŭ zajavy baćkoŭ.
Ciapier u Polščy idzie kampanija pa ŭzmacnieńni ŭmoŭ pryznańnia hramadzianami Polščy.