Vaśmikłaśnik u Lidzie vyrašyŭ padpracavać narkakurjeram
Supracoŭniki narkakantrolu Hrodzienskaj vobłaści znajšli ŭ internecie prapanovu ab prodažy zabaronienych rečyvaŭ u Lidskim rajonie.
Raspaŭsiudnika zatrymali — aptovym kurjeram akazaŭsia 14‑hadovy žychar Lidy. Chłopiec vučycca ŭ 8‑m kłasie, paviedamlaje telehram-kanał MUS.
Školnik znajšoŭ prapanovu «chutkaha i lohkaha zarobku» mienš za miesiac tamu ŭ internecie i zachacieŭ palepšyć svajo finansavaje stanovišča. Padčas zatrymańnia pry im i ŭ tajnikach vyjavili i kanfiskavali bolš za 400 hramaŭ asabliva niebiaśpiečnaha psichatropnaha rečyva 4-SMS.
Pakolki padletku ŭžo spoŭniłasia 14 hadoŭ, jamu pahražaje da 15 hadoŭ pazbaŭleńnia voli.
Supracoŭniki milicyi nahadali, što źjaŭleńnie ŭ padletka darahich pakupak, novych hadžetaŭ, vialikich sum hrošaj i padvyšanaja skrytnaść u pavodzinach — surjoznaja padstava dla ščyraj razmovy.
.