U Polščy zaviali kryminalnuju spravu paśla chakierskaj ataki na kamunikat.org

U Polščy raspačali kryminalnuju spravu paśla chakierskaj ataki na biełaruskuju internet-biblijateku kamunikat.org, jakaja adbyłasia ŭ noč na 7 maja, piša «Radyjo Svaboda».

Paviedamleńnie, jakoje ciapier źjaŭlajecca pry sprobie pierajści na sajt internet-biblijateki

Zasnavalnik prajekta Jarasłaŭ Ivaniuk paviedamiŭ, što supracoŭniki Biełastockaha adździeła polskaha Biuro pa baraćbie z kibierzłačynnaściu pastavilisia da situacyi vielmi surjozna. Jon padaŭ aficyjnuju zajavu i pieradaŭ śledčym techničnyja danyja, u tym liku adrasy, ź jakich adbyvałasia ataka.

Ivaniuk taksama raskazaŭ polskim pravaachoŭnikam, što jašče 3 sakavika sajt byŭ pryznany ŭ Biełarusi «ekstremisckim farmavańniem», a raniej užo była sproba ŭzłomu — u śniežni minułaha hoda.

Pa jaho słovach, polskija słužby nie vyklučajuć, što rasśledavańnie mohuć pieradać u Ahienctva ŭnutranaj biaśpieki Polščy, uličvajučy mahčymuju suviaź ataki ź dziejańniami biełaruskich uładaŭ.

Ciapier praciahvajecca adnaŭleńnie materyjałaŭ biblijateki, kab jana mahła adnavić svaju pracu.

Kamientary da artykuła