Doždž dapamoh stabilizavać situacyju z pažarami na miažy Ukrainy i Biełarusi

Pavodle dziaržsłužby Ukrainy pa nadzvyčajnych situacyjach, maštabny pažar, jaki ŭźnik na Žytomirščynie na terytoryi Paleskaha pryrodnaha zapaviednika la miažy ź Biełaruśsiu, łakalizavany. Unačy ŭkrainskija ratavalniki praciahvali raboty pa likvidacyi pažaru, zaŭvažyła vydańnie «Fłahštok».

Fota: DSNS Kijeŭščyny

Što tyčycca vialikaha pažaru ŭ Čarnobylskaj zonie, dym ad jakoha pastupaŭ u bok Homielščyny, to padrabiaznaj aficyjnaj infarmacyi ad ratavalnikaŭ pakul niama, ale, pavodle anłajn-servisaŭ, napiaredadni ŭ tym rajonie prajšoŭ doždž, i heta dapamahło stabilizavać situacyju.

Siońnia, zhodna z danymi NASA, bujnych pažaraŭ na pamiežžy niama. Jakaść pavietra ŭ haradach Homielščyny pa stanie na ranicu 9 traŭnia była zdavalniajučaj.

Kamientary da artykuła