Дождж дапамог стабілізаваць сітуацыю з пажарамі на мяжы Украіны і Беларусі
Паводле дзяржслужбы Украіны па надзвычайных сітуацыях, маштабны пажар, які ўзнік на Жытоміршчыне на тэрыторыі Палескага прыроднага запаведніка ля мяжы з Беларуссю, лакалізаваны. Уначы ўкраінскія ратавальнікі працягвалі работы па ліквідацыі пажару, заўважыла выданне «Флагшток».
Фота: ДСНС Кіеўшчыны
Што тычыцца вялікага пажару ў Чарнобыльскай зоне, дым ад якога паступаў у бок Гомельшчыны, то падрабязнай афіцыйнай інфармацыі ад ратавальнікаў пакуль няма, але, паводле анлайн-сэрвісаў, напярэдадні ў тым раёне прайшоў дождж, і гэта дапамагло стабілізаваць сітуацыю.
Сёння, згодна з данымі NASA, буйных пажараў на памежжы няма. Якасць паветра ў гарадах Гомельшчыны па стане на раніцу 9 траўня была здавальняючай.
Чытайце таксама:
У Чарнобылі бушуе вялікі лясны пажар. Вецер дзьме ў бок Беларусі, сёння варта перасцерагчыся
З Украіны ў Беларусь насоўваецца вялікі лясны пажар
З прыходам цяпла пачасціліся прыродныя пажары
Учора лясны пажар пад Гроднам тушылі больш за 60 чалавек. І патушылі, але толькі на час