Siońnia ŭsie ciahniki ŭ Biełarusi śviatočna hudzieli
Siońnia ŭsie pasažyrskija i hruzavyja ciahniki, a taksama manieŭrovyja łakamatyvy ŭ Biełarusi dali pieramožny hudok u honar 9 Maja, paviedamiła pres-słužba Biełčyhunki.
Dyktary praz hučnahavarylnuju suviaź zaklikali pasažyraŭ na chvilinu spynicca i ŭšanavać pamiać usich, chto abaraniŭ krainu, vyratavaŭ čałaviectva i padaryŭ nam mirnuju budučyniu.
A 12:00 žałobnyja ŭdary mietranoma i miełodyja rekvijema prahučali na čyhunačnych vakzałach krainy, a na ekranach manitoraŭ tranślavałasia tematyčnaje videa.