Pobač z Pucinym na paradzie ŭpieršyniu pasadzili ŭdzielnika ŭvarvańnia va Ukrainu
Leanid Ryžoŭ kamandavaŭ motastrałkovaj bryhadaj, što ŭdzielničała ŭ bajach na terytoryi Łuhanskaj vobłaści.
Na Paradzie Pieramohi ŭ Maskvie na susiedniaje kresła z Uładzimiram Pucinym sprava pasadzili ŭdzielnika ŭvarvańnia va Ukrainu Leanida Ryžova, jaki ŭ 2022 hodzie kamandavaŭ motastrałkovaj bryhadaj, što ŭdzielničała ŭ bajach na terytoryi Łuhanskaj vobłaści, piša «Ahienctva».
Ryžoŭ na trybunie zaniaŭ miesca pa levuju ruku ad Pucina. Sprava ad prezidenta siadzić vieteran vajny Śviet Turunoŭ, jaki vajavaŭ u artyleryi na Leninhradskim i 4‑m Ukrainskim frantach, a z 1976 pa 1990 hod byŭ pamočnikam ministra abarony SSSR.
Ryžoŭ u pieršyja miesiacy ŭvarvańnia va Ukrainu kamandavaŭ 7‑j asobnaj hvardziejskaj motastrałkovaj bryhadaj, jakaja ŭdzielničała ŭ farsiravańni raki Sievierski Daniec. U lipieni 2022 hoda jamu było prysvojena zvańnie Hieroja Rasii.
Raniej na susiednija miescy ŭ adnym šerahu z Pucinym sadžali vieteranaŭ Druhoj suśvietnaj.
Źleva na fota, praź vieterana Druhoj suśvietnaj, Kola i Alaksandr Łukašenki.