Šakira pradstaviła aficyjnuju pieśniu mundyjalu-2026

Viadomaja kałumbijskaja śpiavačka Šakira apublikavała frahmient treka Dai Dai, jaki stanie hałoŭnym muzyčnym saŭndtrekam čempijanata śvietu pa futbole 2026 hoda, jaki projdzie z 11 červienia pa 19 lipienia ŭ ZŠA, Kanadzie i Mieksicy.

Šakira. Fota: AP Photo/Bruna Prado, File

Taksama ŭžo źniaty aficyjny klip: u im Šakira tancuje prosta na poli lehiendarnaha stadyjona «Marakana» ŭ Brazilii. Poŭnaja viersija pieśni pavinna vyjści 14 maja.

From Maracaná Stadium, here is “Dai Dai,” the @FIFAWorldCup Official Song 2026. Coming 5/14. We're ready! ⚽️ @burnaboy pic.twitter.com/UcfpO0s7jN

— Shakira (@shakira) May 7, 2026

Nazva Dai Dai pachodzić ź italjanskaj movy i aznačaje «Davaj!» abo «Napierad!». Razam z Šakiraj pieśniu vykonvaje nihieryjski muzyka Burna Boy.

Dla Šakiry heta ŭžo treciaja pieśnia dla futbolnych čempijanataŭ śvietu. Raniej jana zapisała vielmi papularnyja kampazicyi Waka Waka (This Time for Africa) dla mundyjalu 2010 hoda ŭ Paŭdniova-Afrykanskaj Respublicy i La La La dla turniru 2014 hoda ŭ Brazilii.

Kamientary da artykuła