U Varšavie pračytajuć lekcyju pra navahradskuju šlachtu ŭ XVIII stahodździ

U niadzielu, 10 traŭnia, supołka «Navahradstva» zaprašaje na adkrytuju lekcyju doktara histaryčnych navuk Andreja Macuka «Navahradskaja šlachta padčas bieskaraleŭja 1733—1735 hadoŭ».

Bieskaraleŭje 1733—1735 hadoŭ skončyłasia pieramohaj Aŭhusta III nad papularnym Stanisłavam Laščynskim, dziakujučy saksonskim i rasijskim vojskam. 

Pieršyja kroki dla pieramohi Aŭhusta III byli zakładzienyja 14 vieraśnia 1733 hoda, kali niazhodnaja z vybarami karalem Stanisłava Laščynskaha šlachta pratestavała na varšaŭskim pradmieści Praha. 

Navahradskaja šlachta składała kala 40 pracentaŭ apazicyi Laščynskamu i 5 kastryčnika 1733 hoda stała asnovaj vybarcaŭ, jakija hałasavali za abrańnie karalom saksonskaha kurfiursta Frydrycha Aŭhusta pad imiem Aŭhusta III. 

Zasłuhi navahradskaj šlachty byli adznačanyja i ŭ akcie Hienieralnaj kanfiederacyi prychilnikaŭ Aŭhusta III, kudy byŭ uklučany akt navahradskaj kanfiederacyi. 

I heta zrazumieła, bo heta adziny vypadak u historyi Rečy Paspalitaj kali pazicyja šlachty adnaho vajavodstva mieła vyklučnaje značeńnie dla karaleŭskich vybaraŭ. 

Uvachod volny. Budzie taksama anłajn-tranślacyja ŭ zumie — na jaje treba zarehistravacca pa spasyłcy.

Lekcyja adbudziecca 10 traŭnia ŭ 14.30 pa miascovym časie: miesca praviadzieńnia: Rodzinna Europa, pl. Konstytucji, 6, Varšava.

Kamientary da artykuła