У Варшаве прачытаюць лекцыю пра наваградскую шляхту ў XVIII стагоддзі
У нядзелю, 10 траўня, суполка «Наваградства» запрашае на адкрытую лекцыю доктара гістарычных навук Андрэя Мацука «Наваградская шляхта падчас бескаралеўя 1733—1735 гадоў».
Бескаралеўе 1733—1735 гадоў скончылася перамогай Аўгуста ІІІ над папулярным Станіславам Ляшчынскім, дзякуючы саксонскім і расійскім войскам.
Першыя крокі для перамогі Аўгуста ІІІ былі закладзеныя 14 верасня 1733 года, калі нязгодная з выбарамі каралем Станіслава Ляшчынскага шляхта пратэставала на варшаўскім прадмесці Прага.
Наваградская шляхта складала каля 40 працэнтаў апазіцыі Ляшчынскаму і 5 кастрычніка 1733 года стала асновай выбарцаў, якія галасавалі за абранне каралём саксонскага курфюрста Фрыдрыха Аўгуста пад імем Аўгуста ІІІ.
Заслугі наваградскай шляхты былі адзначаныя і ў акце Генеральнай канфедэрацыі прыхільнікаў Аўгуста ІІІ, куды быў уключаны акт наваградскай канфедэрацыі.
І гэта зразумела, бо гэта адзіны выпадак у гісторыі Рэчы Паспалітай калі пазіцыя шляхты аднаго ваяводства мела выключнае значэнне для каралеўскіх выбараў.
Уваход вольны. Будзе таксама анлайн-трансляцыя ў зуме — на яе трэба зарэгістравацца па спасылцы.
Лекцыя адбудзецца 10 траўня ў 14.30 па мясцовым часе: месца правядзення: Rodzinna Europa, pl. Konstytucji, 6, Варшава.
Чытайце таксама:
Гісторык Андрэй Мацук атрымаў прэстыжную навуковую прэмію ў Польшчы
Выйшла кніга пра тое, як нашы продкі ў часы Рэчы Паспалітай вялі палітыку на рэгіянальным узроўні
Калоны ў гонар Канстытуцыі 3 мая ў Беларусі — міф, які ходзіць здаўна