Spyniŭ dziejnaść biełaruski časopis pra kino «Na ekranach»
Rašeńnie pra zakryćcio časopisa pryniali ŭ Domie druku. Apošni numar «Na ekranach» vyjšaŭ jašče ŭ śniežni 2025 hoda, ale redakcyja pakul praciahvaje apracoŭvać zroblenaje za hady isnavańnia, kab pieradać usio ŭ Biełaruski dziaržaŭny archiŭ kinafotafonadakumientaŭ.
Kalektyŭ zasmučany takim raźvićciom padziej, ale zrabić ničoha nie moža. Apošnija hady tyraž «Na ekranach» składaŭ miziernyja 500 asobnikaŭ. U časopisie było ŭsiaho 16 staronak.
Hienadź Davydźka z adnym z numaroŭ «Na ekranach» z saboj na vokładcy
Da svajho zakryćcia časopis pa pravie ličyŭsia vieteranam biełaruskaj presy — jaho zasnavali ŭ 1957 hodzie. Siarod inšaha, kalektyŭ vydańnia stajaŭ la vytokaŭ stvareńnia kinafiestyvalu «Listapad». Taksama časopis byŭ hałoŭnym infapartnioram nacyjanalnaj kinastudyi «Biełaruśfilm».
Kinakalandar-2019 z kadrami filma «Janka Kupała»
Pasadu hałoŭnaj redaktarki «Na ekranach» zajmała vykładčyca fakulteta žurnalistyki BDU Ludmiła Pierahudava. Ahułam ža na staronkach časopisa ŭ rozny čas drukavalisia viadomyja kinaznaŭcy i krytyki, kandydaty i daktary navuk — Taćciana Arłova, Neli Kryvašejeva, Ludmiła Sajankova i inšyja.
Adna z vokładak časopisa z byłym ministram kultury Rusłanam Čarnieckim na vokładcy