Na ŭjeździe ŭ Budsłaŭ pastavili znak z vyjavaj Panny Maryi FOTAFAKT
Admietny ŭjazny znak pastavili ŭ Budsłavie. Miadzielskaja ŽKH vykanała hetuju pracu jak častku ŭparadkavańnia miastečka, jakoje maštabna idzie sioleta, i apublikavała fota na miascovych resursach, piša Katolik.life.
Na ŭjaznym znaku vyjaŭlenyja vobrazy słavutaha miascovaha kaścioła i abraza Maci Božaj Budsłaŭskaj, jaki znachodzicca ŭ Nacyjanalnym sanktuaryi. Znak ustalavany pablizu chrama — na adnym z bakoŭ, ź jakoha da kaścioła padychodziać pilihrymy padčas štohadovaha festu. Sioleta jon projdzie 3‑4 lipienia.
Tym časam praciahvajecca zbor achviaravańniaŭ na ramontna-restaŭracyjnyja raboty ŭ samim chramie. Parafija publikavała rekvizity dla achviaravańniaŭ. Ahulnaja suma, jakaja patrebnaja ŭžo najbližejšym časam (tolki na padrychtoŭčyja raboty), — amal 1,7 miljona rubloŭ, što pieravyšaje sumu ŭsich achviaravańniaŭ, jakija byli sabranyja dahetul paśla pažaru ŭ kaściole.
Čytajcie taksama:
U Budsłavie abviaścili zbor bujnoj sumy na praciah restaŭracyi kaścioła
U Budsłavie archieołahi adkapali staražytny padmurak kaścioła