Z Ukrainy ŭ Biełaruś nasoŭvajecca vialiki lasny pažar
Na miažy Biełarusi z Ukrainaj uźnikła pahroza bujnoha lasnoha pažaru, jaki ruchajecca z ukrainskaha boku ŭ napramku Homielskaj vobłaści, paviedamiła Ministerstva lasnoj haspadarki.
Pavodle infarmacyi Minlashasa, ahoń užo znachodzicca prykładna za 2 kiłamietry ad biełaruskaj terytoryi. U zonie ryzyki — lasy Miłašavickaha lashasa, što ŭ Lelčyckim rajonie. Situacyja aceńvajecca jak napružanaja, bo havorka idzie pra šyroki front pažaru, jaki ciažka strymlivać.
Leśniki rychtujucca da najhoršaha scenaryja: kali ahoń dasiahnie miažy, jaho buduć tušyć siłami niekalkich lashasaŭ Homielščyny. U hatoŭnaści znachodziacca bolš za 80 čałaviek z roznych ustanoŭ, u tym liku z Naraŭlanskaha, Mazyrskaha, Jelskaha, Žytkavickaha i Kalinkavickaha lashasaŭ.
Na miažy dziažurać bolš za 15 adzinak techniki, uklučajučy pažarnyja mašyny. Čakajecca, što najbližejšuju noč rabotniki lasnoj haspadarki praviaduć u režymie ŭzmocnienaha dziažurstva, sočačy za raźvićciom situacyi i hatovyja dziejničać u luby momant.
Čytajcie taksama:
Učora lasny pažar pad Hrodnam tušyli bolš za 60 čałaviek. I patušyli, ale tolki na čas
Z prychodam ciapła pačaścilisia pryrodnyja pažary
Na Pinščynie zmahajucca ź lasnym pažaram
U Polščy — maštabny lasny pažar. Na im zahinuŭ daśviedčany piłot