«Biełavija» rychtujecca da adnaŭleńnia rejsaŭ u AAE
Rehularnaje avijaspałučeńnie pamiž Minskam i Dubajem avijakampanija Belavia płanuje adnavić z 22 maja 2026 hoda pry ŭmovie, što buduć zabiaśpiečanyja ŭmovy dla biaśpiečnaha vykanańnia palotaŭ, paviedamiła pres-słužba avijakampanii.
Na pieršapačatkovym etapie rejsy praduhledžanyja z častatoj 2 razy na tydzień pa aŭtorkach i piatnicach na samalocie Boinh 737.
Rehularnyja rejsy ŭ AAE nie vykonvalisia z pačatku sakavika paśla abvastreńnia kanfliktu na Blizkim Uschodzie. Tady avijacyjnyja ŭłady Dubaja adklikali słoty i dazvoły na paloty. U sakaviku vykonvalisia tolki evakuacyjnyja i vyvaznyja rejsy, jak i ŭ inšych krainach rehijona.
U suviazi z hetym «Biełavija» niekalki razoŭ praciahvała prypynieńnie palotaŭ u Dubaj. Apošni raz paviedamlałasia, što rehularnyja rejsy ŭ i z Dubaja admianiajucca jak minimum da 20 maja.
Rašeńnie ab adkryćci pavietranaj prastory nad krainaj ułady AAE pryniali 3 maja.
Čytajcie taksama:
U AAE paśla dvuchmiesiačnaha pierapynku adkryli pavietranuju prastoru
«Kali jašče raz padymuć, admovimsia ad tura». Biełarusy sutyknulisia z padaražańniem avijabiletaŭ