Učora ŭ Babrujskim rajonie naziraŭsia bujny pyłavy vichor VIDEA
Pyłavy vichor nahadvaŭ sapraŭdnaje tarnada, adnak, niahledziačy na taksama hrozny vyhlad, hetaja źjava maje zusim inšuju pryrodu, piša «Mieteavajb», jaki i apublikavaŭ kadry z Babrujskaha rajona.
Utvareńnie pyłavoha vichru źviazana z tempieraturnym kantrastam. Sonca mocna prahravaje suchuju hlebu, i ciopłaje pavietra chutka padymajecca ŭvierch. Sustrakajučy bolš prachałodnyja słai i bakavy viecier, patok pačynaje krucicca. Čym macniej nahreta ziamla, tym vyšej i mahutniej zakručvajecca słup pyłu.
Takija vichry naradžajucca kala samaj ziamli tolki ŭ jasnaje nadvorje i ničoha ahulnaha z tarnada nie majuć.